नव्या मराठी ओव्या
जात्यावरल्या ओवीत
माझ्या मराठीची साद
होती घुमत एकदा
इथे भिजल्या स्वरांत
तेव्हापासूनच तिचा
जडे यंत्रासवे संग
तिच्या करणीने धावे
साहाय्याला पांडुरंग
दिस जात्याचे सरले
आला संगणक हाती
तिच्या निरोपाच्या खुणा
महाजालही व्यापती
युनिकोडाचा संकेत
तिचे नवे सिंहासन
तिने झुगारले आता
स्थलकालाचे बंधन
आता जग सारे आहे
तिच्यासाठी भीमातीर
नव्या ज्ञानाच्या गजरी
दुमदुमे दिगंतर
तिच्या विजयाचे खांब
आता रोवा गावोगाव
घरोघरी जन्मू देत
नवे तंत्रज्ञानदेव
जात्यावरल्या ओवीत
माझ्या मराठीची साद
होती घुमत एकदा
इथे भिजल्या स्वरांत
तेव्हापासूनच तिचा
जडे यंत्रासवे संग
तिच्या करणीने धावे
साहाय्याला पांडुरंग
दिस जात्याचे सरले
आला संगणक हाती
तिच्या निरोपाच्या खुणा
महाजालही व्यापती
युनिकोडाचा संकेत
तिचे नवे सिंहासन
तिने झुगारले आता
स्थलकालाचे बंधन
आता जग सारे आहे
तिच्यासाठी भीमातीर
नव्या ज्ञानाच्या गजरी
दुमदुमे दिगंतर
तिच्या विजयाचे खांब
आता रोवा गावोगाव
घरोघरी जन्मू देत
नवे तंत्रज्ञानदेव